过街英雄｜唐嘉麟曾拒《中国有嘻哈》　专心拍剧︰冇TVB我冇人识

唐嘉麟（KT）近日频频有剧出，继《十八年后的终极告白》、《迷网》后，无线现正播放的两套剧《反黑路人甲》和《过街英雄》都见到他的出现，曝光率够多。《过街英雄》中，他饰演侦探社员工机智，戏份不少。KT在2009年在Rap歌手欧阳靖（MC Jin）帮助下出道，一首《Who is KT？》及VLT柠檬茶广告，可说是洗脑式地在电视上播放，不过2012年加入无线后他却主力拍剧，原来曾因为一件事而令他“团火熄咗”。

点击下图睇更多剧照︰

现年35岁、加入TVB八年的KT，在入行前做过不同工作，做过电话销售员、试过开服装店、又做过售货员，后来他得到MC Jin赏识，签为旗下Rapper，当时MC Jin是《兄弟帮》主持，有一次叫KT上节目做嘉宾，之后监制就邀请KT一起做《兄弟帮》主持，因缘际会下加入了TVB。他接受《香港01》访问时直言，曾经有机会出碟，可惜因为MC Jin回美国发展，计划就告吹了。被问到会否觉得遗憾，他直言︰“直情熄咗团火，所以后尾冇做歌就专心拍剧。”

2012年开始密密拍剧的KT，在《十八年后的终极告白》演出患有精神病的终极幕后凶手，演技备受赞赏，成为他的代表作。很多人都指在TVB，每个演员都会有“挨”过的时间，性格乐天的KT说︰“我觉得我嚟讲唔算太挨，我𠮶条线都系平稳斜上，又唔系话突然间上，突然间落，又冇，冇工开系咪叫挨？Touchwood又真系剧接剧，好好彩地，同埋生计呢边Cover唔到，我会好快谂第二嘢，揾人一齐搞，做第二样嘢。”他跟两个拍档合作搞车房，再加上家人没有给他压力，所以生活算是可以，“但当然都会有压力，压力就系来自自己嘅将来，钱你话够唔够使？有边个够使啊？除咗啲首富，首富都讲到自己唔够使㗎啦，所以冇得用呢样嘢衡量啰而家，反而点样去努力去做好自己每一样嘢，去令到下一样嘢自己会走埋嚟揾你啰。”KT说。

放低了Rap几年，近年，KT又重拾对音乐的热诚，去年在处境剧《爱回家之开心速递》当中，一段“大四喜Rap”的表演爆红，原来也是由他做幕后军师。KT坦言是因为看了内地节目《中国有嘻哈》，所以决定再创作Rap作品。被问到觉得在香港做Rapper是否不能糊口，KT说︰“我觉得两睇，睇吓你点睇音乐呢样嘢，即系你要靠音乐揾食嘅时候，我觉得系难嘅喺香港，但系你话纯粹兴趣做音乐呢，又两回事，所以冇得去咁样比较，用音乐揾钱，或者用Rap去揾钱，其实系有啲难度，所以呢要自己平衡。”

KT又直言︰“理想喺我心目中系用钱去堆砌”，理想是要先可以照顾好生活，才可以追求，他说︰“就算我而家冇钱，我可唔可以仲继续做到演员呢？你又唔系男一、你又唔系红，咁冇钱㖞但，要生活，你一定要马死落地行，揾第二样嘢去Cover呢样嘢。”原来《中国有嘻哈》第二季曾经邀请过他参与，可惜他当时有剧在身推却了，不过他自言自己“未够班”，而且普通话又不流利，就算参加也是输居多，所以不如专心拍剧。谈到在内地发展的机会，KT直言︰“如果有机会，当然想，但都系专心拍多啲剧先，因为你话我擦鞋又好，卖花赞花香又好，我觉得冇TVB都唔会有你呢个人出现，或者系冇MC Jin，呢两个平台，（我）都根本冇人识，所以有时都系饮水思源。”现时除了拍剧，他也会积极拍片或用抖音放上网，吸引更多人留意他。

点击下图睇更多图片︰

同场加映，同剧演员江嘉敏嘅靓相︰