何远东因疫情留家努力减肥　3个月劲减20磅：想过积极少少嘅生活

艺人何远东今天（23日）在IG发布一张照片，照片中的东东明显瘦了一个码，他表示正在努力减肥中：“锻炼了两个月，点都有少少成果。”不少圈中好友如姚子羚、陈炜、李君妍等亦留言大赞他瘦了很多。

对于减肥一事，《香港01》记者特意发短讯问候东东，原来他6月为剧集《杀手》宣传时开始已减肥，现时减了两个多月，已瘦了二十磅，成绩不错。他说疫情关系“因祸得福”：“由于疫情影响，好多工作都改期。除咗食饭煲剧打机瞓觉之外，基本上留喺屋企冇乜嘢好做。我想过一个充实而积极少少嘅生活，于是乎，我就想改变依种生活方式，我决定做运动。爆汗之后，感觉好良好，瞓得又好，仲会早睡早起，好健康嘅人生。”

当然好多人会好奇他到底是如何减了这么多，“初初开始嘅时候，做30分钟运动，慢慢而家可以做到接近两个钟。我主要系踩健身单车，以及参考网络上面不同嘅短片。当然啦，有好多动作都未必做到，但系我会尝试。而家已经养成习惯。”

饮食控制方面，东东指要精打细算，每吃一种食物时都要计算好卡路里，他说：“我依家系卡路里计算机，其实唔复杂嘅，坊间都有好多健康食品可以选择，所以唔困难。最大敌人都系自己，唔可以引诱自己再食啲咁肥腻嘅嘢，就算真系想食，我都会紧记‘少食多滋味’。”最后东东表示目标是减40磅，现时的他已经减了一半，还需努力。

点击睇东东由肥变到冇咁肥嘅相！

盘点6位突然暴瘦艺人　萧徽勇最经典60日减60磅！