瞩目配角｜樊亦敏因恶疾被迫放弃内地拍剧：就连搭飞机都好辛苦

拍戏做演员，十之八九都会说，想做主角，想有一套代表。90年代，樊亦敏当选1991年香港小姐“最上镜小姐”后，就做了“港漂”北上发展。“当时套套剧都系做女主角。”樊亦敏如此说道。其实她在那个年代，就已经拍住张伟健、吴京一类当红小生做女一，只可惜因为身体问题才被迫回流香港。如果当时樊亦敏还留在内地发展，其实一早就已经成为佘诗曼同级数的一线女星。

访问中谈到女主角一事，她就耍手拧头：“掉返转谂，到我呢个年龄，好辛苦嘅角色都应该唔会畀我做。做主角一定系最辛苦㗎嘛，我呢啲应该系侧面‘摄吓摄吓’𠮶啲。”樊亦敏口说是怕辛苦，其实心底是“想做，但做不到”，更多的是睇透了，从而享受每一个演出机会。可惜，但不是可怜，更不是可悲。

上一篇访问提到，其实参选1991年香港小姐，夺得“最上镜小姐”时的樊亦敏，可谓是“有郭蔼明、蔡少芬咁靓”。入行加入TVB时，自然成为了备受爱戴的小花之一，但当时除了工作外，却有另一样事件困扰着她 - 因为免疫系统而甩头发。她说：“甩头发唔系一忽，系甩咗三分之二，几乎光头。我每一月都要喺个头上面打类固醇，等佢唔好发炎，会生返啲头发，所以呢段时间我拍唔剧，同埋个身体都应付唔到。”

如果未睇上一集樊亦敏的访问，可以点击以下连结：

【瞩目配角】樊亦敏因长期病被迫放弃爱情：睇医生睇到无时间拍拖

当年因恶疾甩头发　被误会装大牌、与高层有关系

一个女星因病甩头发，莫讲是以前，就连现今社会都会哗然，所以樊亦敏在当时需要承受的压力可想而知有多大，幸而当年她受到公司以及同事不少帮助。她说：“当时会谂，咁样点行出街见人呢？除咗甩头发，我哮喘都令我去唔到人多嘅地方，因为啲人会食烟，令我透唔到气，所以就愈嚟愈多误解。”她解释，当时公司为了不让她甩头发的事情暴露，特地安排了一间独立化妆间给她使用，但就间接令她被传媒写成是与高层有关系。她续说：“当时除咗公司某几个高层，同埋化妆、服装姐姐知道之外，系冇其他人知。”

错失上位黄金期　完约TVB后北上闯天下

正因为身体问题，虽然5年间她也拍了不少剧集或是主持节目，却错失了青春少女中最黄金的时期。“之前公司可以会畀啲一线或者二线嘅位你做，但系因为有5年嘅时间完全系病同接唔到工作，变咗我觉得喺公司嘅前景唔系有咁多机会。咁啱大陆市场又开放，就不如去大陆试吓。”

比起留在TVB，似乎返内地拍剧也是不错的发展？她笑说，在内地拍剧有好也有不好：“以前嘅待遇好好，举例我拍一个30集嘅剧集，我做女主角，就算只系拍咗28集，佢都畀足30集嘅钱。”虽然待遇好，做女主角起居饮食都有专人服侍，但她还是不习惯内地生活，特别是沟通以及天气。

内地拍剧笑料多　一个即食面都烦足几晚

樊亦敏：“举个例子，佢哋好尽责㗎，惊我哋食唔惯，所以每晚都有人畀一个牛肉即食面。当然我有同个人讲夜晚唔打扰我，唔使畀我个面啦。点知，佢‘哦’完一声，第二夜又会送个即食面嚟，第三晚又系咁。最惨嘅系第二日要开凌晨4点吖，门口已经贴咗张‘除非火灾或者地震，请勿打扰’字条，佢都系会继续叮当拎个面畀我。”最后怎样解决？她笑言：“原来要同佢领导讲先有用！”

再次因病错失成为一姐机会　不习惯内地天气而回港

如是者，她在中国内地工作了数年，又回到香港发展。她表示，因为不习惯内地的天气以及因要长年治疗的开系，所以需要回港。“𠮶时应该系02，03年，因为身体真系开始差，觉得自己真系要返香港睇医生，因为我系急症室常客。”

做女一或配角都不重要　重点在于角色“有冇发挥”

讲到回港后的发展，她兴奋说道：“返到嚟第一套剧，三哥就系做我保镖，𠮶套应该系林峰最后一套剧。我𠮶时仲问监制：‘我咁肥唔似吸毒嘅人㖞。’监制就话：‘吸毒都有啲人好肿嘅。’哈哈哈。”做配角都肯？她回答：“要因应个环境，如果有机会畀到你，而又接受到嘅，就应该去试。我返嚟第一套戏就系配三哥，虽然系配角，但系有特别一条故事线，所以我特别开心。”

她自言，做演员的着眼点不应该放在自己是否能够做到主角上，而是角色上有没有发挥或者吸引会否。她说：“公司入面有啲剧戏份唔多㗎，例如有次就系做方中信个初恋女朋友，就梗系即刻做啦，系咪先？哈哈。真系要因应个角色去谂，因为（做演员）永远做到一线或者二线，同埋我而家咁，太辛苦嘅戏都唔会做啦，哈哈。”

就好似大部份演员一样，樊亦敏都不会放过任何一个演出机会，奈何身体问题而被迫退居成为配角，不过她亦没有因此而怨天尤人，反而欣然接受自己的命运。就正如她所说的，站在最前排的可能不是她，但她一样会享受每一个能带给观众快乐的演出。

点击睇　柠檬茶广告嘅樊亦敏，仲有金莎朱古力广告：

点击睇　樊亦敏IG相：