【过街英雄】森美首演男一争视帝宝座　怕冇工开：可以系最后一次

森美今日出席无线剧集《过街英雄》的宣传活动，谈到首次担任男主角的感觉，他接受《香港01》访问时，就表示心情轻松：“细个就会紧张，而家知道成套戏都系整体合作。我好公平嘅，好嘅唔止因为我，差嘅都唔止系我，咁就冇压力啦，哈哈。”

做男主角即是可以竞逐年尾“视帝”宝座？他笑言：“系吖，我拍第三套就做男一啦，如果有‘跳跃’进步男艺人就肯定系我啦，不过飞跃就冇啦。如果冇呢个奖，视帝都可以考虑吓参与嘅，最佳主持都攞咗两次，都有闷。”不过森林大哥都只是开玩笑性质，他表示很多艺人都十分努力，自己攞奖其实十分有难度。他说：“大家以为系真就死啦，哈哈。”

森美亦向记者透露，《过街英雄》是一部老少咸宜的喜剧，十分适合小朋友睇，就连他的囡囡都曾说过要捧场：“主角嘅性格同我好似，一样都系平时口花花，但系之后慢慢会变得沉实，就好似我有咗小朋友之后咁。呢套剧系讲正义感，讲责任，家长可以陪住小朋友睇。我以前做好多卡通片配音，所以一路都好想拍一套畀小朋友睇，估唔到而家就可以做到，都算系做爸爸最后一个心愿。”

森美续说：“食完饭之后我哋一家人通常会一齐玩游戏机，玩完之后就会一齐睇电视，虽然疫情唔系一件好嘅事，但系有样好就系可以一家人喺屋企嘅时间多咗，所以我会把握呢个时间同佢哋一齐睇。”

森美今日也在FB中写道：“以前冇咁珍惜工作，而家先知道，每一次都可以系最后一次，就算系第一次，尤其系今次，今次第一次为剧集宣传，风风雨雨中，希望令你轻轻松松。”