【迷网】朱斐斐入行8年演尽无名角色 惨沦为布景人物曾患忧郁症
由高海宁、杨明、陈晓华等主演的TVB剧集《迷网》集合不少新鲜面孔，除了早前出场的楼嘉豪、容天佑、彭翔翎之外，饰演大学生阿菁的朱斐斐亦备受关注。剧情讲到阿菁为了赚钱加入泛奕金融集团，甚至不惜利用美色骗财，穿上低胸上衣的斐斐一时俯身，一时又挨实才叔（钟志光饰）膊头，成功诱骗对方开户及签授权书，而斐斐更因为这一幕性感场面掀起网民热烈讨论！
现年28岁的斐斐在2012年考入第26期艺员训练班，过往曾饰演不少无名角色，今次在《迷网》中的演出就是她入行以来最多戏份的一次，她在接受《香港01》访问时直认演绎上有难度：“以前一路都系做学生妹，有得性感表示我终于大个女喇！呢个角色最难就系我要说服自己系一个靓女，因为当时导演揾我做呢个角色话阮燕菁好靓，系大学校花，司徒正（楼嘉豪饰）嘅女神，成日恃靓行凶。我一听第一时间谂‘死喇’，因为我唔系，𠮶阵时仲要系入行嚟最肥𠮶期，司徒正仲帮我改咗个花名叫肥菁，好惊观众睇咗会出戏，所以都要啲信心先得。”
点击下图重温：
提到要在剧中性感上阵色诱钟志光，斐斐就笑言拍摄前大感紧张：“因为之前都未同佢合作过，一嚟要色诱都有啲怕丑。不过钟Sir埋位前都有同我讲声先，‘阵间可能会掂下你手咁，唔好意思’，到拍𠮶时都几顺利，导演话‘大胆啲就得了，由得你点做。’”斐斐3年前曾凭借处境剧《爱·回家之开心速递》中年青版高栢菲（汤盈盈饰）一角而为人熟悉，但可惜近几年似乎依然发展平平：“𠮶阵做汤盈盈少女版都几有趣，不过呢一行就系咁㗎啦，有时有嘢做，有时停下，都睇开咗。就当磨练多几年，准备得好啲，第时遇到啲角色都容易掌握啲，好过机会一次过嚟，但你未准备好自己都浪费咗。”
虽然斐斐所演的角色大多属客串性质，但她依然坚持追寻演员梦想：“你知我哋‘布景人物’工作时间长，有时剧接剧时间连住，返屋企冲个凉时间都冇，好似好多嘢拍咁，但亲戚朋友问起，又讲唔出拍咗啲咩，𠮶种感觉先令我觉得辛苦。等8年系有啲漫长，中间都有谂过不如转行，但每次想转𠮶时，个天又会畀少少甜头你，你会觉得今次个角色又比之前好啲㖞，之后又会想留低。虽然发展系慢啲，但我相信应该会越嚟越好！”
斐斐转眼间已经入行8年，同期艺员训练班毕业的梁茵凭着《爱·回家之开心速递》中Anita一角深受观众喜爱，而利颖怡同李旻芳就因为担任节目《东张西望》主持而被网民封为“东张女神”，眼见自己依然浮浮沉沉，斐斐曾一度情绪低落患上忧郁症同暴食症：“以前细个都几执着，就好容易谂埋一边。见自己入行咁耐都冇起色，开始情绪出现问题，身体亦都容易病。之后开始接触健身，啲负面嘢都有一个方式去发泄。”斐斐更不时在网上分享健身Tips，Fit爆身形令人羡慕！