欧阳震华重拍21年前旧剧　再扮财神：我未知呀　　

无线今日在酒店举行“晒冷”活动，宣布明年电影、电视的开拍计划，几乎所有电影界老板都有出席，当然亦有超过100位的艺员来撑场，电影方面将会开拍《城市猎人》国产版，黄晓明将会饰演孟波，而今年票房有7亿的《使徒行者》电影版，亦会开拍第二集《逆行天地》，加上开拍中的《使徒行者2》电视版，直头将《使徒行者》物尽其用。

电视方面就重拍95年剧集《天降财神》，当年男主角欧阳震华今日亦有出席活动，但他自己都不知道会重拍，他说：“我头先坐喺到。先知重拍，祥仔（黎耀祥）仲问我重拍咩？我都话唔知，我记得好似95年喇！哗！21年喇，我未知呀，不过下年过咗新年就会拍套庆祝50周年嘅剧，讲我同陈豪、张继聪三兄弟嘅故事，再加埋田蕊妮啰。陈维冠监制，（咁似《创世纪》又系三兄弟？）唔知㖞，听过下个故事以银行做背景，讲三个人嘅成长。”

在“晒冷”酒会中，大部分都系老板级人物发言，播片说未来大计，除了欧阳震华外，黄宗泽原来都系重点力捧，除了拍《溏心风暴3》做男一外，亦会和苗侨伟一齐拍《飞虎极战》，他说：“拍咗《溏心》先，之后再拍《飞虎极战》啩？其实我都唔系太清楚，我啱啱喺大陆先返嚟，（《溏心》男一㖞？）夏雨哥先系男一，我有份参与已经好开心喇，（好多人羡慕你同刘佩玥多亲热戏㖞？）下！乜佢系女神咩？喂！我唔知㖞⋯⋯不过佢系辛苦嘅，第一次拍呢啲戏，𠮶心理准备要好足够，都知有好多人对呢套剧有意见，咁咪好啰，我相信公司亦会参考下大家嘅意见。”

过百位艺员，有近30位，坐足成个钟，最后先上台影大合照，但辛苦的是另外70位，因为大会为制造惊喜，30位艺员（好多都是一线）和大老板合照后，另外70多位，再在他们身后现身，为了这一下“surprise ”，这70多位艺员在全密封情况下企了超过一小时，台前发生任何事都不知。十足“困䢂”一样。