【1圈圈】江美仪亲揭与吴君祥瞒婚11年内情：几个月我哋就结咗婚

江美仪最近因为TVB剧集《杀手》及节目《女人必学100道菜》而备受关注，在《杀手》中饰演一楼一娴姐的她有情有义，在大结局中到殓房认尸的一场喊戏，更令观众感受到她对阎武（黎耀祥饰）的深情。而在现实中美仪曾与吴君如细路弟吴君祥（Vincent）爱情长跑11年，但其后被爆两人隐瞒已婚，美仪日前在电台节目《1圈圈》中就亲揭瞒婚的内情。

点击下图重温精彩演出：

美仪在2018年10月写下分手感言，宣布同Vincent结束11年情，事后被爆两人早在2006年已经于美国西雅图秘密注册，令这个原本只属于两人之间的秘密被公开：“我哋呢一行好多嘢都系唔可以自己话事嘅，我哋嘅生活全部都好透明，但唯一一样我可以守嘅秘密就系呢一个秘密。我哋两个协商，我哋就系唔想讲，唔想讲就系唔想讲，我觉得呢样嘢Keep住系一个秘密，好低能㗎其实件事系。我明明讲咗话Confidential（保密）㗎嘛，点知俾人查到，所以真系唔好信呢啲嘢，天网恢恢呀。”

虽然美仪同Vincent最后分手收场，但她直认结婚并不是一时冲动：“其实（拍拖）冇一年呀，几个月我哋就结咗婚喇。当时唔系冲动嘅，系OK㗎，我觉得女人点都要嫁一次嘅。Vincent唔系一个坏人，佢系一个好人，佢都好照顾我。只不过去到后期，大家嘅步伐开始唔一致，当然有好多事发生咗，已经过去咗我都唔想再提，总之我哋两个坐低商量过，觉得我哋都系各自分开生活大家可能会开心啲。”

婚后Vincent经常要到内地工作，而美仪就密密拍剧，她亦承认两人聚少离多是导致离婚的原因之一：“都有呢个关系，咁你知我𠮶阵时又冲紧啦，其实有时返到屋企佢又瞓咗觉，我出门口𠮶阵时佢又瞓紧觉，其实都冇乜机会大家可以倾到偈，有时出咗埠添，大家太注重喺事业方面，同埋我觉得缘分嚟嘅，缘分到，你想佢留，你留唔到，但要佢走呢，你想掹返唔到，所以我觉得听天由命啰。”虽然美仪在46岁才回复单身，但她无惧外界目光，依然享受生活，学会爱自己。