优酷推介七大合拍港剧　《白色强人2》硬撼《飞虎3》?

优酷昨日喺上海举行发布会，席上宣布将推出《亚洲超星团》、《不服啊我的哥》，无论系导师抑或男神级哥哥都十分吸引。而近年不时同优酷合作嘅无线，亦暂定有七部合拍剧。当中包括《飞虎之壮志英雄》、《非凡三侠》、《白色强人2》、《伙记办大事》、《失忆24小时》、《刑侦日记》以及《木棘证人》，而当中三套都有郭晋安，十分厉害。

喺发布会上公开嘅海报，《飞虎3》与《非凡三侠》并列头位,且加上YOUKU VIP,似乎系重点剧集。《飞虎3》除了有原班人马包括苗侨伟 (三哥)、黄宗泽（Bosco）、吴卓羲 (Ron) 以及梁竞徽等多位主角演出之外，仲有飞虎icon马德钟 ，同埋将在剧中饰演嘅在剧中饰演微生物学嘅郭晋安。悬疑剧《非凡三侠》除有张智霖、黄宗泽、周秀娜外，仲有沈震轩、蔡洁等人，故事述三个素未谋面的平凡人，在一次危急情况下，联手化解危机，因此卷入一系列神秘案件，被警察和黑帮追杀。《白色强人》去年令马国明初尝视帝，续集一定唔少得佢，除此之外郭晋安、陈豪、唐诗咏以及上月落实续约嘅胡定欣亦都有份，不过喺海报上，只系得《白色强人II》字样，未有任何主角嘅头象，话唔定演员阵容随时有变。

《伙记办大事》去年因社会运动，拍摄一度受到影响，值得一提嘅系作品系万绮雯嘅离巢之作。而去年底开拍嘅《失忆24小时》，由郭晋安、谭俊彦、王君馨担正，故事将由两个背景、身份截然不同嘅角色，相交过程及失忆24小时作故事串连；大堆头卡士嘅《刑侦日记》既有惠英红、陈炜，亦有姜皓文、王浩信等人；《木棘证人》由罗仲谦同张曦雯担正，剧中罗仲谦饰演嘅警察，将会保护饰演律师嘅张曦雯，剧集去年底已完成拍摄。