AKA赵慧珊下厨有板有眼自认贤淑　周中：煮嘢食最紧要熟就得！

综艺节目通常都系游戏旅游居多，疫情下都难以拍摄，变相好多煮食节目涌现，除咗引起讨论嘅《女人必学100道菜》之外，本身属于“实力派”嘅周中师傅，最近就化身YouTuber，同严崇天主持《周中厨房》，日前揾嚟Aka赵慧珊做嘉宾，师傅讲到明：“贤唔贤淑唔紧要，煮嘢食最紧要系煮熟，不过佢OK嘅，又靓又后生！”

主持严崇天同Aka相识10年，份属好友，不过阿天承认，一直唔知对方厨艺如何。节目中Aka亲手整香橙鱼柳同桃胶雪梨桂花羹，周中师傅都大赞有板有眼，只系切鱼鸡手鸭脚，急冻都可以切到新鲜鱼咁散晒，不过靓女搭够整体都满意。有靓女做嘉宾周中师傅笑到见牙唔见眼，仲跟Aka扮可爱头贴头影相，相当有童真呀！