MIRROR经理人花姐太出名　被骗徒冒认身份呃无知少男少女

ViuTV《全民造星》监制兼MIRROR经理人花姐（黄慧君）日前在个人IG贴出限时动态，指有人冒认其身份致电圈外女性，花姐接受《香港01》访问时谈到KB（李健宏）与行内一导演均先后致电并告知有人冒认其身份，可能涉及诈骗成份：“我冇证冇据，又做唔到啲乜，唯有出个帖呼吁大家小心。”至于有心人冒认其身份：“可能觉得ViuTV好多机会挂！（会否觉得花姐变了造星的招牌？）咁我宁愿《造星》同MIRROR出名，多过自己出名！”花姐尤其担心有人受骗多于自己的声誉：“担心有人俾人呃钱，例如畀钱Casting，我光明正大又冇嘢嘅。”

点击图辑睇MIRROR型格相！

至于花姐日前在IG写道：“呢两年做经理人，无论生理心理都非常吃力。”她就说是近期工作量大所以感到吃力，MIRROR的《IGNITED》、Ian（陈卓贤）的《鲸落》、接下来八月中释出Anson Lo（卢瀚霆）、Anson Kong（江𤒹生）、Jer（柳应廷）的新歌MV都由她亲自操刀：“我系有啲压力，但其实我都开始习惯，主要都系想多谢身边嘅人。”

谈到辛苦的过程中有没有过放弃的念头，她说：“开头做经理人嘅时候好唔习惯，都有过放弃嘅念头，但而家我唔会舍得放低佢哋，真系好想见到MIRROR嘅成员发展自己、希望佢哋成功，我而家四十零岁未退休㗎！”