【辣伙头．开火】陈欣妍被批离地　自认转数慢：或者真系弱智

ViuTV煮食比赛《辣伙头》第一季大收旺场，火速开拍第二季《辣伙头．开火》，赛制亦有所改动。由买食材到定价都要一手一脚包办，第一季中表现出色嘅陈欣妍Shirley被网友批评定价离地，Shirley呢日就喺社交网亲自回应。

艺人们分为两组，由录影厂斗到实体餐厅大展拳脚，每场比赛会以营业额高低分胜负。不同于煮一味好𩠌得到评判欢心就完成。身为蓝组队长嘅陈欣妍饱受批评，有网友话：“其实Shirley chan都好X离地，下午茶菠萝包都够胆嗌36蚊。”Shirley截图直接回应网友话：“因为之前教过我地成本x3=定价，所以其实系讲紧要x3变咗36蚊咁点搞﹗”又话“自己自动折埋而已。”似乎佢对网友意见都耿耿于怀。

其后Shirley再发长文回应：“有好多人话点解我同第一季能力差咁多，其实呢季同第一季真心唔系玩紧同一样嘢……我一向能力唔高但我钟意谂得意菜式……呢个一向系我呢啲转数唔快嘅人嘅方法，将勤补绌。但系呢季唔系咁，重点系好多经营餐厅上面，我真系一头雾水，例如第一集就摆错重点喺最惊嘅计数上面。好多时我会空白咗咩都听唔到……或者你会话提早准备都做到咁差真系弱智，我想讲，系我真系能力有限，但我做咗我个人200%我可以做的了。”