新冠肺炎｜杨明爆限聚令影响生意：生意有4成影响
撰文： 陈芷颖
出版：更新：
无线（TVB）剧集《迷网》今日（29/7）在将军澳电视城举行宣传活动，主角杨明、高海宁（高Ling），陈晓华等均有现身，他们在台上大玩游戏，杨明、高Ling更要接受大惩罚。
疫情严重，政府收紧“限聚令”，今日起全面禁堂食，身为炖汤店老板的杨明坦言生意下跌四成：“生意上有3、4成影响，剩系可以做外卖，连带少咗人落街。但系呢个措施系想尽快终止疫情，大家都需要响应、听话。希望少啲人出街，就少啲人确诊，一至两星期后希望形势会好返好多。”
杨明的炖汤店会继续营业，但会缩短营业时间，而员工收入则不受影响：“主力做外卖，营业时间缩短咗，畀员工多啲时间返去安全地方，始终喺条街或者铺头工作都有风险，最唔想见到同事身体唔舒服。员工收入唔会有影响，返工时间缩短但唔会扣减任何人工。”
全面禁堂食为很多人带来不便，更有不少市民要在路边吃饭，杨明直言有留意并替他们感到辛苦，但他认为要响应政府实施的防疫措施：“好心噏，冇一个地方可以畀佢哋舒舒服服食饭。大家顶住呢7日先，之后可能会有好大幅度改善，政府就会放宽返措施。连日确诊数字过百，政府要用好辣招数先可以控制疫情，我系理解。政府都系想帮助自己社区，都想人民生活喺健康环境。所做嘅措施都有谂法同想达到嘅目的，一定要响应返。”
点撃睇更多活动靓相：
+3