【一屋后生仔】花师奶现真身 雷姐配音逾40年：沙声都要开工
撰文： 邝钰莹
出版：更新：
最新一集嘅《#一屋后生仔》请嚟TVB配音员雷碧娜(雷姐)担任嘉宾，雷姐一出声，即时唤起唔少观众嘅集团回忆，因为雷姐除咗系《我们这一家》嘅“花师奶”之外，仲系《咕噜咕噜魔法阵》嘅勇者仁杰！另外，《小魔女DoReMi》、《数码暴龙》亦都系雷姐作品。比起花师奶，雷姐嘅声线明显较为温柔，她笑言：“如果成日都用花师奶把声就唔值钱。”
喺加入TVB前，雷姐曾在丽的、亚视工作长达13年之久，至今配音工作已经有44年经验，她笑言自己考训练班时可选跳舞组、演出组或者配音组，但由于屋企人唔想佢抛头露面，所以最终选配音工作。问到养声心得，雷姐就话无，仲话自己好钟意食炸嘢，不过亦曾试过因为失声而开唔到工。“但因为系连续剧，所以休息两日后，沙声都要开工，最惨系要配吵架场面。”
近年TVB为节省成本，频频向配音组开刀，不过雷姐就话收费台起立初期，令佢收入曝增。“星期一至星期七，𠮶时有句说话叫有钱无掟使，我连续做咗几个月，连日子都唔知，真系好辛苦。”由于配音工作繁重，雷姐曾经试过用咗“花师奶”嘅声音，去配《火影》嘅“鸣门”，一句“多重影分身术”，连佢自己都忍唔住大笑。
《我们这一家》好受欢迎，点击下图一齐回忆吓啦：
+9