【开工大吉77】邓兆尊向苑琼丹分享一拖四秘技：第一个拍拖30年

邓兆尊接受好友苑琼丹邀请，亮相香港开电视节目《开工大吉77》访问。兆尊带苑仔前往铜锣湾老牌西餐厅，分享儿时与爸爸新马司曾回忆：“呢度我爸爸带我嚟，第一次嚟大概十岁左右啦，真系由细食到大。（爸爸捉你出嚟说教？）屋企仲讲唔够咩，嚟到呢度佢都系望女仔、同行家倾吓计。以前我都唔知佢咁红，唔明睇戏点解要迟入场、早啲走，又唔陪我行百货公司，同佢出街啲人会望实我地。”

兆尊与苑仔片场结缘，友谊建立于“演戏”之上：“因为我佩服苑仔，佢可以话喊就喊，所以慢慢就做好朋友，我地之间冇秘密，佢问咩我都会讲。佢问我感情世界，点解会有咁多女朋友，我都话自己唔系特别多，事实上好多人都有几个女朋友，不过唔可以周围同人讲，我就选择讲出嚟之嘛。”兆尊笑指妈妈曾为佢挡桃花，女友拍拖多年才获对方认定：“第一个女友拍拖三十年，去到二十年佢先认同佢咋，我唔系博爱，而系一盆水泼埋嚟，总有一两滴会湿身嘅。”

苑仔就称兆尊做“大少”，但指对方没架子：“佢咁大光环，大家都叫佢做大少，但佢对大家都好好，唔会有少爷仔脾气，所以真系好难得。我同佢家人实在太熟啦，所以唔见面都会知佢近况，有冇新女朋友𠮶啲，难得圈中真老友。佢成日话拍拖好烦，我唯有祝佢早日单身脱苦海啦。”