【早霸王】婆媳纠纷激到老婆搬走嗌离婚 丈夫求复合结果竟然...
撰文： 邝钰莹
出版：更新：
男听众Sam同老婆Sue结婚半年，本来应该仲享受紧新婚的甜蜜，但因为婆媳纠纷，搞到老婆返咗外家，仲话要离婚，为挽救婚姻，Sam于是向《早霸王》求救。婆媳纠纷绝对系世纪家庭难题，Sam表示:“我同妈妈讲嘢比较大声，佢就较为阴声细气，可能令佢觉得我哋语气有少少重。另外，争厕所、拜神、作息时间等都系吵架嘅原因。”
听到Sam提到同拍拖一年半、结婚半年左右，森美认为每对夫妻都总会有不咬弘嘅地方，并谓：“夫妻就算点夹，都要相处，偏偏你呢个时候激情走咗，而家讲相处时，你就同佢相处唔到。”Sam表示每次婆媳纠纷时，佢都会叫老婆忍让，好似从未企喺对方角度。“有时话完佢，佢委屈想喊，我都唔会氹佢，佢返外家时，我又唔觉得自己有错，所以亦唔会揾佢。”结婚半年，老婆已经因为婆媳纠纷而嬲到外家暂住两次，呢个情况其实都几严重，不过，最惨嘅系，事件惊动到双方嘅家长，最后仲搞到互相指责……
身为爱情专家嘅森美，听完Sam嘅分享后，似乎感到不太乐观，并解释：“人生最痛苦系放唔低，当一个女人决定离开，佢已经系放低咗，亦都唔想再返转头。同埋如果佢爱你多过爱自己，其实咩都忍到。”电话接通后，当听到森美表示有人想示爱后，Sue竟然话估唔到边个想同自己示爱，原因系“刚刚结束咗一段关系，如果系佢就唔使啦”虽然决绝，但Sue都愿意听Sam嘅道歉：“结婚用咗好多钱，所以你主动话唔使要咁多礼金、唔要大排场，你亦唔介意住㓥房，lunch食面包……”Sam最后喊住咁希望Sue比次机会自己，但老婆沉默好耐之后表示：“我……唔知。”