唐诗咏借创作剧本首度解开童年心结：阿田同翠如都话从来冇听过！
“无线视后”唐诗咏（Natalie）今日（11/7）中午与戏剧老师甄咏蓓，以担任创作指导的演员“虾头”杨诗敏，一同亮相于中环大馆举行的“动戏‧童迷香港艺术计划”，其中一项活动名为“私密故事系列”，唐诗咏联同插画师陈芷嫣一同创作动画《最后的那一瞬间》，前者负责编写剧本和声演，后者则负责绘制50张插画，再制作成为长约10分钟的短片，而预先登记的观众，更加以参加唐诗咏带领的行禅活动和私密分享会。
撰文：游大东
唐诗咏坦言，甄咏蓓足足花了一年时间筹划这个艺术展，主题是“迷失的小孩”（Lost Child），有很多同学参与，透过不同的艺术形式诉说故事。“最初系想做一出短嘅舞台剧，系独脚戏，约一小时左右，之后因为一啲原因做唔到，要将作品放上网，我谂咗好耐，有啲咩可以放喺网上，既讲到我个故仔，又同年轻人有关呢？后来我有个做插画师嘅同学，佢嚿嘢一定要接触人，（因为疫情）做唔到，于是我哋觉得不如一齐做，就变成而家呢条片。”
参与计划的同学，有些会讲别人的故事，为何唐诗咏最后决定要讲自己小时候的经历？她解释，这个活动包含一系列工作坊，举办最主要之目的是想带出漫漫人生里，有喜有悲乃必然，但所有事情都一定可以克服。“我哋嘅老师David Glass（英国剧场大师兼创立“迷失儿童计划”）成日都讲一句说话就系，喺艺术入面，我哋唔系解决个问题，而系去玩转个问题（Play with problems），系佢令我开咗呢一度门，我好少喺大众、甚至乎喺自己嘅朋友面前讲自己嘅故事，因为我自己都觉得好似唔系好想讲出嚟，我自己都未Overcome得到。”
承认是Lost Child 靠短片抚平心灵
“其实我都系一个Lost Child！”唐诗咏说。
父母离异以及孤独成长期，是她从未解开的心结，多年来都一直影响她待人接物的态度。“当时嗲哋同妈咪分开啦，好长时间我都系自己一个人，变咗由细个开始，都唔系好识得同人沟通，因为我唔系好需要，变咗细个呢啲野一直都冇去处理，冇去讲。”直至成为大人之后，因为工作，需要经常与人沟通，她强迫自己要做得到，跟真实的自己渐行渐远。“我知道我一定会做到，我先会沟通到，但如果真实一面，我会Prefer唔好讲嘢，或者我未必识点去讲，所以呢个过程对我而言都好重要，令我都发现咗，原来细个𠮶个结，一直都冇解开到，但而家我都有呢个勇气去讲，所以都希望鼓励大家讲自己嘅故仔，想话畀佢哋听，唔系要人哋几明你自己，而系你有几了解你自己，呢样嘢先系我想做嘅。”
让阿田翠如先睹为快 等约食饭慢慢倾
问到好姊妹田蕊妮有没有先给予意见，唐诗咏笑指她看了并说很喜欢，“佢好钟意呀，其实佢本来今日会嚟，但佢有啲唔舒服，我就好惊，因为而家疫情嘛，就同你讲：你唔好嚟喇，我Send条片畀佢睇，因为大家都未必估到我会做呢一样嘢，佢哋亦都从来冇听过我嘅故事，其实翠如都有睇，但我都未同佢倾偈啰，未同佢倾睇完个感受，所以我谂可能要再约佢哋食饭，当然佢哋第一句一定系话好好睇啦，但如果要再Deep啲嘅感受，可能要食饭嘅时候倾先会知。”
点击下列图辑，细看更多活动情况：