陈凯琳勤做孕妇运动保持身形　感恩：懂得珍惜是多么重要

上个月刚踏入29岁嘅陈凯琳，可算系人生胜利组。港姐冠军入行，事业发展顺利，遇上郑嘉颖拍拖再结婚，话咁快已经陀住第2胎。好多妈妈话第二胎会陀得较辛苦，但Grace依旧得天独厚被封为最美孕妇，佢自己都话：“懂得珍惜，是多么重要。”

Grace贴出几张户外照，留言话：“珍惜现阶段，珍惜大自然嘅美丽，珍惜身边嘅朋友，珍惜家人嘅照顾，懂得珍惜，是多么重要。”其实要学似佢肥肚唔肥人都有方法！Grace原来大住肚都有做适量运动：“有好多人都问我：大肚嘅时候应唔应该做运动呢？又惊整亲BB，又惊自己冇咁多体力⋯其实我觉得运动系必需要做嘅！因为医生都建议轻松简单嘅动作会令到我哋血气运行同埋冇咁容易攰！之前同大家分享过我去做pregnancy pilates，用拉筋去提升flexibility —舒缓容易疲劳嘅关节！”