余慕莲否认内地建校花光积蓄 患耳石症经常头晕：要啲路人扶起我
撰文： 邝钰莹
出版：更新：
83岁嘅余慕莲（鱼毛姐）近年已减少幕前演出，不过早前有传佢因为耳石移位，经常又晕又呕，有指由于佢早年已将退休金捐赠到贵州兴建学校，所以要由演艺人协会捐款为其聘请印佣照顾其生活。
余慕莲接受《东张西望》访问时，透露有日瞓醒后准备落床之后，突然因头晕而感到天旋地转，而且情况愈来愈严重：“行到果栏跌咗落地，自己起唔到身，要啲路人扶起我。”余慕莲表示虽然有唔少朋友介绍医生，但睇完之后依然系有继续有头晕状况，更试过半夜在家中晕倒，为安全计，她除了在床边加装了扶手，又聘请了印佣。“啲钱系自己出，讲到我好似好惨咁，无儿无女，又话我退休啲钱全部拎晒去起学校，我点会全部捐去起学校，只系一部分啫，我都要生活。”余慕莲指自己工作多年，有屋、有积蓄，亦有能力照顾自己，为怕被不法之徒利用，所以急急澄清。访问中，提到由于病疾缠身而不能到处去时，余慕莲甚感无奈，并坦言十分不习惯。
余慕莲其后在林映辉陪同下去睇耳鼻喉专科，好彩嘅系医生指头晕问题有望解决，令余慕莲不至于太担心。而生日将至嘅余慕莲，除希望疫情尽快过去之外，最希望系自己可以身体快啲康复，再同大家见面。她更提到能够睇大戏、打麻雀、同朋友见面才是享受人生。
点击下图放大睇更多余慕莲近况：
+16