苗侨伟大谈出埠灵异事件　日光日白俾鬼压：有个阿伯踎喺度望住我

剧集《飞虎之雷霆极战》在昨晚（26日）播出大结局，而配合剧集宣传的特备节目《Tiger’s Talk》亦告一段落。今集除了有苗侨伟（三哥）、黄宗泽（Bosco）同吴卓羲（Ron）之外，更请来将会参演新一辑《飞虎3之壮志英雄》的马德钟及张兆辉。五位型男在节目中分享曾遇过的灵异事件，当中三哥的亲身经历就相当惊吓！

三哥大爆自己曾经历过几次灵异事件，不过最恐怖的一次就是去马来西亚吉隆坡登台时发生，当日他在下午两点左右去到当地的酒店，因为太疲倦他即刻上床瞓，但他听到厕所有杂声，令他难以入睡：“我突然间感觉到床脚𠮶度有个黑影上嚟，喺我脚前面升上嚟，我一望，哗！咩嚟㗎？想趷起身，佢即刻压住我个人，点郁都郁唔到。咁我就谂起，啲前辈话俾鬼压就X佢老母呀！咁我又阿弥陀佛又念经都冇用，最后我就系讲咗句‘X你老母’，即刻郁返。”

之后三哥即刻起身拉开窗帘，再打给保镳讲起这件事，保镳即提出晚上陪三哥瞓，幸好当晚无惊无险，没事发生。但直至朝早七点，三哥瞓醒后发现原本瞓在地上的保镳不知所踪，更再次俾鬼压：“我最惊就系呢个，但我亲眼见到，有个阿伯，踎咗喺保镳瞓觉个位望住我，我真系好惊，我只有心里面同佢讲‘阿伯唔关我事，我路过㗎咋，我嚟揾食咋，你唔钟意我，我最多走啰，你放开我先啦。’真系醒返，阿伯又走咗。”

三哥惊到要男保镳陪瞓：

虽然三哥经历了两次俾鬼压，但最后他亦有以科学的角度解构这件事：“俾鬼压就系你嘅神经未休息，但你抹开眼系可以睇到嘢，你感觉上唔郁得，但其实你瞓着咗。”不过三哥表示自己确实见到一个阿伯，而且保镳亦有提及自己在当日亦经历俾鬼压：“佢话瞓到五点几就俾嘢压，压到成只脚肿晒，佢见我瞓得好稔，所以冇叫醒我。”究竟是什么原因，就不得而知了。