马蹄露侄仔爆料　为张凳遭花旦“Old Seafood”狂串

身为马蹄露侄仔兼YouTuber嘅马米高，不时都会出现喺无线剧集，当中包括《爱·回家之开心速递》、《福尔摩师奶》、《大帅哥》、《同盟》等。即将推出新书《英文写真》嘅佢，于其中两个章节“娱乐照妖镜”以及“Seafood看人低”中，提到拍剧时曾遭资深女星白眼及冷言冷语对待。

马米高以“Old Seafood”形容其中一名资深女星，并透露有一次拍外景期间，在公家凳休息时，“Old Seafood”见状之后，甚为不不悦，并即时与身边嘅化妆师讲“你做咩唔坐，而家畀咗唔知啲咩人坐”，虽然马米高以即时弹起并道歉，但以“Old Seafood”继续追击佢，一边望着粉盒，一边又同化妆师讲“下次你自己坐好喇，唔好畀唔知啲咩嘅人坐”，马米指“Old Seafood”当时嘅嘴脸犹如剧中八婆角色。

至于另一次嘅经历，马米高嘅对手系“Old Seafood”同剧拍档“海产”，他在书中提到嘅“海产”喜欢扮导演，不时对其他人指指点点，除咗会擅自改新人对白之外，又不时睇住其他演员有无拍摄超时，试过有同剧男演员“虎哥”为此抱不平。有长脚蟹之称嘅吕慧仪，曾被指喜欢摆阿姐款，在剧中饰演群姐嘅许思敏、饰演池美丽的钟凯琪，以及饰演陈师奶嘅孙慧莲，都曾被她闹过。对于有网民推“Old Seafood”系滕丽名、“海产”系吕慧仪，马米高既不否认亦没有承认，并指“好多谢佢哋入钱落我袋”。