周秀娜拍《太平纹身店》“好惊”遇见姜涛：我情愿拣林德信！

正在拍摄的ViuTV新剧《太平纹身店》，今日中午（21/6）在上环太平山街举行探班活动，周秀娜、黄德斌、姜涛、林德信（Alex）、吴绮莉、陆骏光、骆振伟、谭凯伦、ERROR成员吴保锜、曾赞学（阿神）以及编剧李敏的长女李赏等都有出席。

今次是周秀娜首次参演ViuTV剧集，她饰演满布纹身的神秘女子Nana。问到接拍原因，“娜姐”直认因为题材与角色吸引。“今次系做纹身师，我系未试过，同埋故仔嘅类型都几特别，（呈现方式）系好漫画化，唔系好现实。”

“娜姐”也笑言，这次演出阵容靓仔多，令到拍摄过程更加开心，她语带惊叹的说：“呢套剧好多靓仔，咩类型都有，就连‘小鲜肉’都有！”记者随即问哪位最靓仔，她鬼马的回答：“哗，你问我啲咁嘅嘢？个个都靓仔！”

新剧靓仔多　“娜姐”择偶宁拣Alex不要姜涛？

假如要在云云靓仔当中挑选对象，“娜姐”会点拣？她想了想，强调依照角色性格的话，会选择Alex（角色名为FoodDragon）。“我个角色系个孤儿，冇咩嘢讲，成日对住佢哋都黑口黑面，而个所有角色都好沉重，但每当有Alex嘅场口就会好欢乐，同埋佢剧入面系开餐厅，成日都会拎嘢畀我食，所以好现实，哈哈！”

事实上，演出期间教“娜姐”唏嘘的一幕，都是跟Alex有关，因为故事讲到FoodDragon为了拯救Nana而选择离开太平街。另一幕则跟为拍摄而租用的纹身店有关。“我哋差唔多都租嚟拍咗个几月，去到最尾𠮶一日，咁啱系拍我自己要离开呢个舖头（的剧情），畀番呢间纹身舖（出来），可能咁啱啲嘢撞埋一齐，所以拍𠮶啲戏份嘅时候好感触。”

姜涛又如何？“娜姐”的反应相当搞笑，竟然说“姜涛？姜涛就……好惊呀！”难道嫌弃“姜B”年纪太细？她说：“好夸张㖞，你见唔到佢啲Fans咩？我……我梗系唔好啦！”“娜姐”指剧组多数于晚上开工，而且片场里绝大部份都是男性，“今日见到好多女仔，真系见识到姜涛嘅威力，佢啲Fans真系好犀利，而家天气又咁热，佢哋一出现，只要追（跟）住佢哋就会知道姜涛去咗边，见到佢哋好开心。”

黄德斌黐须辛苦　“娜姐”：我哋成日整蛊佢！

谈到黄德斌，“娜姐”笑指每次埋位之后，都无法不去看他的假须，“佢好辛苦呀，啲须系一执执黐上去，佢黐须嘅时间比我纹身仲要耐，我整纹身要个几钟，但佢可能要花Double时间。”正因角色造型胡须满面，所以黄德斌每当演出吃饭戏份的时候难度最高，“我哋正常食饭，佢就唔使食嘅，练仙咁，因为每次一食呢就会食到啲须，所以我哋成日都整蛊佢：‘喇，你食饭呢，食多啲呀吓！’夹到佢成个碗都系嘢食，但佢都只会食菜。”

演绎纹身师为求更自然　专诚学艺试纹猪皮

至于演绎纹身师的时候为了显得更加自然，“娜姐”事前与导演拜访多个纹身师傅学师，起初以为从旁观察便可以，“但系我发觉原来斋睇斋倾，同埋问清楚步骤呢系唔得嘅，感觉都系唔似，所以真系揾咗两个纹身师傅学𠮶啲手法，即系纹喺猪皮度同碌柚度，用两日去练，熟练之后我就知道自己要做咩，拍紧戏嘅时候，有啲外国人经过，都会以为（我）真系纹身师。”但“娜姐”直言没有打算尝试真正纹身，因为此举会影响她将来接洽其他角色演出。

点击下图，欣赏《太平纹身店》探班现场实况：

点击下列图辑，欣赏更多“娜姐”靓相：

同场加映：姜涛在21岁生日当天推出新歌《蒙着嘴说爱你》，希望在疫情中为大家打气：