【多图】苗侨伟爱女早于欧洲出道　29岁苗彤拍打戏身手了得

近年好多星二代陆续入行，三哥苗侨伟戚美珍一对仔女，都遗传咗父母优良基因，曾多次传出各公司希望签三哥大女苗彤（Phoebe）入行，甚至话TVB游说佢参选港姐。不过原来Phoebe除咗喺外国做摄影工作，仲早已喺欧洲参与不同拍摄工作，身手仲唔错添。

现年29岁嘅苗彤，不时喺IG分享加拿大嘅生活，见到佢早前分享一段打戏，身手俐落好有三哥风范﹗喺IMDb查到Phoebe嘅介绍，指佢：“就读于英国学校，沉醉于运动中，她在大学游泳和篮球比赛方面有参与训练和比赛，同时完成了以戏剧为重点的IB文凭课程。从不列颠哥伦比亚大学获得文学学士学位后，她于2015年开始从事演艺事业。及后，她出现在电视节目中，如《Upload》同《Get Shorty》，同时亦演出过电影《Parabola》、《Die in A Gunfight》同埋《The Past Never Dies》。”

三哥近日受访时承认囡囡入行拍戏，不过唔想靠父母名气所以选择于外国发展。Phoebe之前接受《香港01》访问时，曾被问到会唔会想同爸爸同场拍剧，佢就话兴趣不大：“冇特别想同佢合作，因为公还公，私还私，佢系受欢迎，但佢系我daddy，唔一样。”