江嘉敏口说未得闲同冯盈盈庆生　转头与林凯恩食饭仲另有暗示？

江嘉敏与冯盈盈因上何猷亨“富豪船P”闹不和，二人日前出席活动，在传媒面前揽腰力证姊妹情不变。盈盈上星期生日，作为好姊妹的江嘉敏未有与对方庆祝，称各有各忙，未约到时间食饭补祝生日。扬言工作好忙的江嘉敏，却在社交网站上传与另一好姊妹林凯恩撑台脚的照片，当中的留言似乎有弦外之音。

江嘉敏与林凯恩看着海景听住音乐食饭，浪漫得好像拍拖一样，她留言说：“约咗好多日，终于约到。唔想求求其其食餐饭就算，望住海景，听住音乐倾下计，有啲浪漫。浪漫到超人有少少呷醋。佢好细心，剥紧虾壳时问：‘洗唔洗（使唔使）我帮你剥丫（吖）？’讲完就直接将剥好嘅虾放咗系我只碟，而我又啱啱好偷望咗佢一下，刚好对上大家眼神。”

江嘉敏又不断强调林凯恩为人善良，喜欢对方的头禅“平安就好”，而她自己则性格火爆，与林凯恩的性格刚好相反，江嘉敏又形容林凯恩好像男朋友一样照顾她：“燥底嘅时候有佢系（喺）身边，一只手揽住你膊头，一边做树窿吸哂啲负能量，感觉好似小男友。佢，系一个Man得嚟好sweet嘅小女孩。”而江嘉敏的hashtag似乎话中有话，“#简简单单就好 #做人何必咁复杂 #佢真的善良唔容许有人虾佢”，大众又再次解读另有暗示。

江嘉敏回复《香港01》，指跟林凯恩定时都有倾偈食饭，“同埋呢排好多朋友生日，都有同其他朋友食饭，不过都要就好多次时间先约到，因为最近通告真系好密，好彩啲朋友都谅解。”真的因为太忙，先未约到冯盈盈食生日饭啫。