【后生仔倾吓偈】25岁KOL点用20万做业主?　换楼真系好重要

最新一集《#后生仔倾吓偈》以买楼为主题，喺一众后生仔当中，唯一有楼揸手嘅竟然系25岁嘅KOL Kelvin（马景华），而非两位大台花旦小星冯盈盈或者陆浩明。

Kelvin 2017年加入无线后，拍剧机会寥寥无几，就连《#后生仔倾吓偈》亦唔系集集有份，要做到25岁有楼揸手，Kelvin就话“换楼真系好重要”，他透露在18岁时以200万左右，买入一间二百呎的居屋。“当时嘅一成首付，自己比啲屋企人又比啲，后来居屋升值到300万我就赚到人生第一桶金。”Kelvin就系咁，拎住呢一桶金，去年买入大埔新盘楼花，售价为6百万，四成首付继续系屋企人一半自己一半，120万对于佢嚟讲绝对系轻松，就连资深物业投资者叶景强King Sir同冯盈盈都觉得Kelvin非常识谂，冯盈盈表示：“好多年轻人都觉得要上车好似好难，但其实呢个系睇个人选择或者奢望，因为大家可以永远觉得第一次上车一定要系dream house，但其实咁有啲不切实际，如果以为第一次买楼就可以买到dream house，系无可能，要存好多年钱，同埋要好大先追到通胀。一嚟应该要实际啲，上咗车先再随趋势慢慢换单位。”