陀枪师姐2020｜麦美恩入行9年第二次拍剧 唔介意被何依婷超越

麦美恩 (Mayanne) 出席她有份主演的无线新剧《陀枪师姐2020》拜神仪式，入行后主力做主持和司仪工作的她，极少拍剧，对上一次已是4年前拍摄的《幕后玩家》，这次是她入行9年以来第二次正式拍剧。

外界多会认为Mayanne不喜欢拍剧，原来事实并非如此。她开心地表示：“距离上次拍剧至今都有4年，已经隔咗一段长时间，今次可以话系圆咗一个心愿，因为屋企人年纪大，我婆婆一直想我拍一套剧，佢系一个超级电视迷，同埋好钟意睇我嘅演出，好想可以喺电视剧入面见到我，不过唔系我话想拍就有得拍㗎嘛。当我妈咪同婆婆知道我有得拍呢套剧，同宣萱合作，佢哋都好兴奋。我婆婆成日都话如果我有得拍剧就好喇，依家如愿以偿，所以对我嚟讲几有意义。”

Mayannne透露近年都有监制找她倾偈，想要更加了解她这个人，她说：“原来好多时系唔觉唔觉就喺倾偈时casting咗，佢哋会想了解我多啲，想我讲多啲内心嘅嘢，今次就系好彩遇到啱嘅timing，呢套剧就系同监制倾偈时casting咗。我依家大胆咗，无乜包袱，好enjoy讲自己嘅睇法出嚟，咁啱倾得埋就成事喇。”她透露剧中所演的角色几得意，好多层次，跟平时嘻嘻哈哈的她好似，但其实又有不同的一面。她跟宣萱和张嘉儿最多对手戏，在剧中完全不同性格的三人经常走在一起，就看看她们会擦出什么火花。

问到Mayanne喜欢做主持司仪多些，还是喜欢拍剧演戏多些，她说：“我好贪心，两样都好好玩，两样都钟意。（拍剧会唔会少咗登台出骚揾真银嘅机会？）可以同时兼顾得到，好多谢幕后人员嘅配合。”对于要拍忙于剧，会否担心少了时间做主持的工作，而被后辈何依婷取代了她的位置，对此Mayanne说：“我好乐意畀后辈上嚟，喺《学是学非》我都有鼓励佢哋要加油，希望佢哋可以快啲pick up，如果有机会可以拍剧同做主持两边都试就最好。”

即睇更多何依婷靓相：