有线黄芳雯拍亲热戏无需入纸申请：我老公仲叫我见识下呢个世界

香港开电视节目女主持Paula(黄芳雯）今日（8/6）联同星级女嘉宾邝文珣现身观塘为《30分钟大放𩠌》节目进行拍摄工作。提到以前同属公司有线电视台的师兄陆浩明、洪永城及师姐黄翠如转战无线发展不俗，被问到为何不向外多方面发展？Paula直言：“其实我同公司都建立咗好深厚嘅感情，始终我正式入行系喺有线，自己觉得冥冥中自有安排，因为公司对我嘅安排都好好，好似我开头做娱乐新闻，但之后我又可以试唔同类型嘅制作，又可以做下啲旅游节目，就系因为做到自己想做嘅嘢，所以自己先想继续做落去。”

（想唔想拍剧？）Paula坦言可遇不可求：“况且宜家做咗妈咪之后身份唔同咗，又要将好多时间放喺家庭度，而自己都听到好多师兄佢哋都讲拍剧好辛苦，连屋企都冇得返好惨，但如果机会嚟到，咁我都会争取，但宜家做主持都好开心嘅。”（老公唔介意你拍亲热戏？）Paula笑言：“我谂佢都冇乜所谓，可能得我有所谓，可能佢仲会叫我出去见识下呢个世界，哈哈！”