胡鸿钧否认母亲节带蔡思贝返家　网民质疑讲大话：冇任何欺骗成份

胡鸿钧与蔡思贝（Hubert）去年被踢爆秘恋之后，二人却经常向外坚称双方是好朋友关系，亦甚少私下见面联络。而他们早前出席活动时，被问到母亲节点过时，二人均异口同声表示各自同家人庆祝冇见面。事后被媒体影到当日一齐去街，Hubert仲带埋蔡思贝返家一齐庆祝母亲节。报道出街后，有网友评击二人大话精前言不对后语。

今晚（6/6）二人出席《万众同心公益金》筹款节目时，就被指大话精一事回应。Hubert表示：“我冇讲大话，我哋得而且确少见，但唔系冇见，我哋又冇专登同大家交代当日做啲乜嘢事情，而个次有记者朋友影到之后，我哋亦都好大方承认我哋系去过街嘅，咁所以冇任何欺骗和隐瞒嘅成份，其实我同佢始终都系朋友关系，出街食饭都好正常。”