降魔的2.0｜同时爱上黄智雯刘佩玥变渣男？　马国明：情义两难存

无线人气剧集《降魔的2.0》结局在即，剧中男女主角马国明（马明）与黄智雯（Mandy）出席该剧活动作最后的宣传。马明在剧中饰演的马季周旋于啤啤 (刘佩玥 Moon饰)和Mandy饰演的芷若之间，问到他最终会拣边个，马明说：“好难拣，其实系留咗伏线，并无明确交代小马同芷若最后嘅发展。”Mandy就透露：“结局会有神秘人出现，大家见到佢就会谂起一个经典嘅人物，佢好影响到芷若。”马明和Mandy均表示好希望该剧可以有3.0，C君表示只要Mandy话有3.0就会有，马明说：“因为智雯系最难度期，佢有期就可以开拍。”Mandy即说：“绝对唔系，最紧要系观众钟意，同埋可以原班人马上阵演出。”

对于马季同时喜欢上啤啤和芷若，其实是否一名渣男？马明就解画说：“系情义两难存，佢对啤啤有义，始终系佢害死啤啤嘅，但系佢原本一直都钟意芷若，你可以话佢系渣男，但一个有义一个有情，唔知点拣。”至于现实生活中，马明就没有试过一脚踏两船，他说：“我好蠢，讲大话实会穿煲，瞒唔到，同埋我分唔到时间畀两个女仔。”Mandy亦指自己同样是一心不能二用，所以他们两人都好专一。Mandy并未试过跟人争男朋友，她说：“如果有人同我争，我应该会先放弃，唔会争，争返嚟无用。”马明即说：“我都系一样，同埋要争返嚟嘅，第时都会畀人争得走。”

另外，Mandy在剧中有一场扮被啤啤上身的戏获网民大赞好演技，她说：“我平时都有moon倾偈，一谂起佢啲神态就出晒嚟，同埋啤啤好可爱，要扮佢唔难拿捏。（有网民话你系最少戏份嘅女主角，替你不值。）我又唔觉得自己戏份少，最重要系配合到个剧集故事。”马明也直言不认为Mandy的戏份少。