【飞虎之雷霆极战】乐易玲开剧为拍电影舖路：好想公司打造自己IP

《飞虎之雷霆极战》首周收视不俗，一班演员在宣传时亦不忘继续做势，连无线兼邵氏高层乐易玲亦到场鼓励，乐小姐亦表示满意今次《飞虎之雷霆极战》的成绩。

乐小姐指今次《飞虎之雷霆极战》第一集能够获得自2016年第二线剧集（九时半播出）收视冠军已经很感恩，她在接受《香港01》访问时说：“虽然今次拍完咗，系国内播咗先，今次有咁嘅成绩，宣传做得好好喇，我哋卡士级数应该观众都钟意。”乐小姐坦言内地先播，一定会对香港收视有些少影响，但合约如此也是没有办法，至于未来会否也像今次一样实行内地先播，乐小姐指不同项目有不同方案。

近年邵氏在剧集方面大展拳脚，未来会否将重心由电影转到剧集？她说：“拍电影依然系主要目标，我谂睇题材，有啲题材适合拍电影，有啲题材我觉得可以拍一个IP出嚟，好似今次《飞虎之雷霆极战》咁，而家播紧第二辑，第三辑都就嚟开，有其他电影公司嘅同事或者朋友都话想一齐合作，一齐拍《飞虎之雷霆极战》电影，我觉得呢个都系我哋拍《飞虎之雷霆极战》嘅原因之一，我哋都好想自己公司打造自己嘅IP，拍自己嘅电影。”

而邵氏拍出来的电视剧总会与TVB有点不同，最简单就是制作费大增，自然可以提升质素“喺TVB我唔系负责制作，除咗TVB之外，我不嬲都系拍电影出身，所以拍《飞虎之雷霆极战》都系用电影嘅方法，你见到内容、制作、镜头处理、动作，甚至演员都系，我哋希望比较电影感多啲。”乐小姐追求拍摄质素，演员也一样，但她不会盲目请外援，反而更顾及旧同事，“如果邵氏公司制作，我哋一定优先考虑我哋公司嘅演员，甚至唔系邵氏公司嘅演员我哋都会邀请佢参与，要睇角色，TVB艺人，尤其是我哋自己经理人约嘅艺人，我都会揾一啲重要嘅角色畀佢哋，我都希望佢哋可以试吓成班电视班底系点样工作，我觉得佢哋应该尝试多啲唔同嘅嘢，电影好，舞台剧又好，成日都揾呢啲机会畀佢哋。尤其是TVB啲绿叶，TVB好多绿叶，虽然我哋邵氏都有，但系我觉得呢啲都系不可多得嘅演员，如果有合适嘅角色我一定会揾佢哋帮手。”

即睇更多蔡洁靓相：

同场加映：【3曰2夜】何泳芍搽白块面为健康肤色平反：要讨好嘅人就系自己