刑侦日记｜惠英红王浩信演精神病母子　拍戏博到尽：灌水扣喉真呕

惠英红 （红姐）与王浩信（Vincent）齐齐出席有份主演的无线新剧《刑侦日记》（暂名）拜神仪式，两人在剧中饰演一对母子，且同样都有精神问题。红姐说：“我个角色患有严重精精分裂，最难系要处理我嘅情绪，有时理智，有时就唔理智，演呢个角色一啲都唔好玩，好辛苦每一场都好用心神心力去演，好攰，我有问监制我系咪得罪咗佢。其中有一场戏讲我食完我个心理医生开嘅药之后要呕，我就扣喉，特登灌四樽水等自己可以扣喉呕，拍咗两take，真呕，呕到成手都系，呕完仲要讲我即刻出现幻觉，拍完呢场戏仲攰过我拍一场打戏。”

而Vincent的角色则拥有多重人格，他说：“将自己本身内心入面有嘅放大嚟演，其实每个人心入面或多或少都会有唔止一种人格，系复杂嘅，所以都好有难度。（同演盲嘅比较呢？）今次系另外嘅难，我个角色系做一个笔迹专家，之前小红姐都演咗一个盲嘅角色，我都有请教小红姐。今次我个角色其实唔止一个角色，都有啲轻松位嘅，其中一个人格叫劲峰，系灰谐啲搞笑啲嘅，系同王敏奕𠮶条线，都成日出嚟，演佢嘅时候就轻松啲。”