【独家】K小姐爆邓智伟扮有米　钟情山寨货：佢去北京买翻版波鞋

44岁前无线（TVB）音乐总监邓智伟向传媒自称遭受一名圈外人滋扰多时，更直指自己去年3月在夜场认识任职夜总会小姐的对方，这名圈外人“K小姐”接受《香港01》访问时便说：“佢屈我，我系做Marketing，唔系舞小姐。（佢话你骚扰高Ling？）我从来冇高Ling电话，我唔明可以点骚扰。至于贝沙湾𠮶部份，系佢经理人最近主动打畀我，话想签份和解协议书，保障大家以后各不相干，佢系咁问我要乜，我先发晦气话贝沙湾啰，从来冇贪过佢啲乜。”而其实K小姐亦一早知道邓智伟是“空心老倌”，时常舢舨充炮艇。

K小姐接受《香港01》访问说：“我哋拍拖3、4个月左右，就开始觉得佢好多嘢收收埋埋，然后我就查下佢，Land search之后发现佢住紧𠮶层楼根本唔系佢，但之前佢曾几何时有篇访问话，离开咗TVB之后开新公司，最困难嘅地方系，佢自己唔食唔用都要出粮畀人、都要供楼供车，即系原来全部嘢都系假。（佢揾唔揾到佢有咩物业喺手？）乜都冇，佢得屯门（间屋）系阿爸阿妈嘅。”

点击下图观看K小姐提供截图：

K小姐更大爆邓智伟周身冒牌，经常在北京秀水街买“高仿名牌”，“佢话佢成日去北京点解拉个咁大个箧，就系要攞𠮶啲嘢落嚟，我话‘吓，点解你要买假嘢，你写歌都应该知版权好重要’，佢就话只要着咗喺佢身上，啲人都会觉得系真，‘8,000几蚊一对巴黎世家波鞋点样买，买（翻版）4对都系1,200蚊人民币一对’，我就觉得呢个人同我价值观好唔同。”K小姐坦言曾经尝试纠正邓智伟，叫对方买正货，但对方听完就算：“我亦试过逐样嘢问，‘你只表系咪真’，佢话系真嘅，喺TVB𠮶时啱啱揾到钱买，跟住我问佢iPhone系咪真，佢话真，如果系假会爆炸。”又指邓智伟去美国拍MV时，曾用冒牌Hermès袋装电线，背后啲人仲要话佢，‘哗，邓智伟真系好有钱呀’。”

唔知邓智伟IG睇唔睇得出端倪：