两个小生去Camping｜孖袁伟豪狂骚肌　周柏豪晚晚同老婆拖手瞓觉

由周柏豪及袁伟豪（Ben）主持的TVB全新节目《两个小生去Camping》在昨晚（1日）正式首播，两大型男的组合令人期待！首集他们就上山下海，先是比赛紥营，之后再换上装备出海浮潜，探索海底世界。柏豪同阿Ben赤裸上半身在沙滩上做热身运动，大方骚肌，画面绝对令女士们尖叫声不断！

点击下图睇骚肌画面：

阿Ben曾因为拍摄剧集《铁探》而进行地狱式减磅，三个月激减20磅，不过今次拍节目已经回复Fit爆身形，胸肌、“老鼠仔”样样有齐！而柏豪就笑言自己一身肌肉全靠抱囡囡而练成，他还大谈去年陪太太入产房前的趣事：“我真系谂咗好耐究竟我着咩衫入产房，前一日仲特登去剪咗头发，但朋友同我讲要戴浴帽。我有同我老婆讲笑话着唔着西装入去见个女好，最终拣咗件粉红色衫，佢系女仔呀嘛。”

柏豪与太太拍拖以来一直非常低调，直至2016年突然被爆在泰国秘密结婚，多年来柏豪都觉得好愧疚：“同我太太一齐咁长时间，每一晚我哋都系拖住（手）咁样瞓。就系因为咁多年我都冇得喺街度同佢过啲正常嘅拍拖生活，我哋唯一可以拖手嘅时间就喺我哋瞓觉嘅时候。我都同佢讲，喺街几多个钟啫，我唔会10个钟都拖住你，但我哋瞓觉8个钟都拖住。”相当浪漫！而阿Ben就提到当初参加香港先生竞选时考虑了几年，更笑言对于着泳裤在台上走来走去大感难为情，但他最终鼓起勇气在2007年参选并一举夺冠！