亿万千金张宝欣认单身　TVB最后笋盘公开择偶：钟意文静男仔

张宝儿细妹张宝欣（Boanne）今日（1/6）现身电视城出席明珠台全新政治惊悚剧集《特种保镳》宣传造势活动。提起家姐张宝儿与男友袁伟豪早前联名斥资超过6千万置业等嫁，被问到何时到自己？Boanne就话非常戥他们开心：“其实自己好努力急起直追，但宜家就冇拍拖，所以都未有机会可以同人联名买楼。”

（择偶条件？）Boanne表示：“我自己就钟意啲个性比较文静少少嘅男仔，因为我可以讲嘢时，佢可以喺度听，因为平时我好钟意听人讲嘢，但返到屋企可以轻松啲嘅时候，我就钟意讲嘢。”（穷小子月入万蚊会否考虑？）Boanne坦言：“其实自己真系冇谂过呢个问题，不过只要大家很努力又上进，相处得开心就可以。”（结婚Daddy会否帮手买楼？）“本身家教都系要求我哋自力更生，喺唔同情况之下，自己都想靠自己，唔想俾人标签系靠屋企人。”