【飞虎之雷霆极战】拍激吻戏遭黄宗泽话咸　张曦雯：伸脷我都OK！

张曦雯（Kelly）今日（29/5）现身电视城出席《Do姐有问题》节目录影。提起玩游戏，Kelly自认唔叻，运气仲好差：“我嚟之前都有同黄宗泽讲：‘今次靠你啦！’心谂佢作为生意人数口精冇死，点知原来嚟度先知，佢唔系同我一组，所以一阵要靠阿Zoie（谭凯琪）。”

此外，Kelly透露在剧集《飞虎之雷霆极战》中与黄宗泽（Bosco）有场激吻戏，仲搞到Bosco成口都系鼻涕，心感难堪：“因为𠮶场戏讲我情绪好激动，喺度丧喊，而我哋两个就激吻，我啲口水鼻涕系咁流，佢好专业完成拍摄，事后佢仲话我啲鼻涕好咸。（拍亲吻戏时，对手伸脷会否介意？）我谂拍出嚟自然，少少我都可以接受嘅，横掂啲口水都捞埋一齐，我谂都OK嘅。”