胡定欣请食柠檬拒合照　陈展鹏仍赞女方完美　

陈展鹏、胡定欣因拍剧集《城寨英雄》被指挞着，定欣更被拍得坐陈展鹏坐驾，去西贡吃糖水，新闻曝光后，二人首次同场出席活动，不过就突然变得生疏，前后脚现身，又分开接受访问，其间二人被要求合照，定欣更被助手拉走。不过陈展鹏依然赞对方是好女仔，他说：“好似平时啲人车同事返工、放工咁啫，（接载定欣多了？会不会发展成为情侣？）咁又唔会，不过系了解多咗，因为上次《城寨》由拍摄到宣传啦，到依家一齐开《同盟》，唔止佢，成个团队都了解多咗？（定欣系咪你钟意哪类型？）佢简直系完美，我发觉自己有问题啫，咁多年都冇同过公司女仔拍过拖呢？（现在就是机会吧？）都系㗎，不过有时啲嘢好难讲，都系集中精神拍剧先。”

展鹏赞定欣完美，女方都好识做，反赞展鹏是好男仔，她说：“同展鹏都系好同事、好拍档啰，可能大家好投入我哋嘅剧情入面，好喜爱拳佬同刁兰吧，但系开心嘅，之前被影到我坐佢架车，主要系因为停了牌，𠮶日又咁啱拍剧啫，我都要出年年头先可以揸车，（那这段时间就要展鹏当司机？）唔系，我仲有的士司机、朋友，好多人车我嘅（刚刚展鹏说妳很完美）系咩？多谢㖞，咁佢都好完美，佢都系一个好好条件嘅男仔，（那她都有机会吧？）唔知㗎，依家都系拍好新剧先啦。（刚才合照有点避忌？）冇呀，我都系等同事安排。”