《巨轮II》阮兆祥变不死人　连播三剧望攞奖：入到围再算

睇到《巨轮II》，大家应该对吴岱融饰演的高天鹫恨之入骨，于是一众演员包括田蕊妮、萧正楠、阮兆祥及陈凯琳等在深水埗闹市举行“示威”，扬言要“打倒高天鹫”，沿途吸引了过百市民围观，场面混乱。

不过讲起《巨轮II》近期的亮点，就是祥仔饰演的龙飞化身新一代不死人，经历过空难依然大难不死，但生还后却经历创伤后遗症，完全失忆，忘记田蕊妮饰演的老婆姚文英。祥仔就话好开心有观众会担心龙飞的状况，“我昨天在街市买菜，观众除了集邮，都问我变到小朋友咁，系咪有阴谋！”而龙飞生还之后，失忆又失智，祥仔就话对角色处理手法一度好迷茫，“头几日唔知自己想点，因为出事前出事后，都要有不同处理，好在监制王心慰花时间揾资料畀我，让我再谂下点揾新的感觉，然后又会畀意见我。”至于会唔会好返？祥仔就话：“我就系想你问我！咁代表观众都会想睇落去！”

祥仔又话今年对他而言是大丰收，“做到3个截然不同的角色，《为食神探》、《巨轮II》及《性在有情》各自都可以有不同发挥。”临近台庆，祥仔又想唔想攞奖？“我唔介意！但入到围先再算啦！”