【学是学非】何泳芍推介三大初级香港自由潜水区：欢迎揾我一齐去
“美人鱼教练”何泳芍（Honey）日前替TVB 娱乐新闻台拍摄了一段短片，趁住夏天出海潜水同海洋玩游戏，不少观众都惊觉，香港除了有美丽的郊野景色外，原来也有靓到爆的潜水景点。Honey接受《香港01》访问时说：“其实香港都有潜水景点值得去！”以下由自由潜教练Honey介绍6个著名潜水景点，其中三个更属于初级级别，买齐装备就可以出发！
何泳芍总共推介了6个香港的自由潜潜水景点，可供初学者去的有半月湾、清水湾和海下湾，而东霸、小棕林和火石州则属于进阶区域。
她说：“半月湾、清水湾同埋海下呢三个地方都啱初级者去。半月湾除咗冬天马尾藻之外，都会有啲珊瑚同好多鱼，可以好容易到之外，另一个大嘅特点就系潜完水之后仲可以去行山，可以由半月湾行去桥嘴，桥咀𠮶边仲有个连岛海滩可以影相，好靓㗎！”
点击即睇更多潜水区靓相！ （图片由Facebook潜水部落巴拉蒂提供）
她续说：“清水湾就最容易去，搭车就去到，不过想睇片入面见到嘅马尾藻嘅话，就要留意个日子，因为冬天先会见到马尾藻，夏天呢个时间就冇晒㗎啦。”
点击下图睇更多：
她更讲道：“喺西贡嘅海下湾系属于香港嘅海底保育区，𠮶度有好多珊瑚，如果大家好彩而能力又足够嘅话，就会揾到一架沉船。因为香港海底嘅能见度通常都好低，好难先会见到架沉船，以我所知，架沉船位置都几深，所以想揾嘅朋友真系要量力而为。除咗沉船，浅水区都有好多珊瑚、蚬同鱼睇，都唔错㗎。”
何泳芍经由参选2018年香港小姐而入行，参选时更因为她热爱潜水以及任职自己潜水教练，而被称为“美人鱼教练”。她除了是AIDA自由潜教练和PADI 进阶水肺潜水员外，2018年10月也赢得了香港区自由潜水比赛女子组（Hong Kong region female today in AIDA Hong Kong Freediving competition）冠军，十分厉害。
最后，何泳芍（Honey）也提及几个初学者需知。“上面讲过嘅Free-Diving潜水区就算初学者去得，不过至少有一个Buddy一齐去！最好系有学过Freedive同埋识得点救人嘅朋友一齐去。如果冇咩经验，就咁浮潜就好，千祈唔好潜太深，要注意安全，清楚自己能力同Partner嘅能力而为，就算浮潜都要有Buddy一齐去，唔可以自己一个人去，潜到太深会好危险㗎！游水好叻都唔代表识Freedive。”
自由潜需要甚么装备？她说：“初学者除咗基本嘅潜水面罩、呼吸管、潜水衣同埋蛙鞋，有经验嘅话通常仲会有配重腰带，不过最紧要都系带助浮用具，浮波之类除咗可以帮自己休息，仲可以提醒其他人你喺下面潜紧水。”她更表示，自己打算在未来在香港开班，与众同乐享受自由潜水的乐趣：“有兴趣嘅揾我一齐去！”
点击睇何泳芍（Honey）靓相：