余文乐留守台湾买7000万豪宅　传有意再入手3000呎大宅

余文乐同台湾“皮带大王”千金王棠云结婚两年，育有1子Cody（余初见）。前年在台湾斥资7千万买入中正区豪宅“顶禾园”嘅佢，自去年香港社会运动爆发后，索性留守台湾，并不时四出睇楼，有指佢近日又再睇中台北市民大道四段、位于微风广场旁嘅“润泰敦峰”，入场费约4千万左右。楼高23层嘅“润泰敦峰”，面积由2900至3500呎，每一户均有150呎观景露台。虽然豪宅位于市中心，交通十分方便，但有指余文乐因考虑到私隐问题，所以未有入手。

余文乐目前住嘅顶禾园位于临沂街嘅，全栋只得19个单位，而余文买入14楼嘅单位，面积逾8千呎，再加上顶禾园车位多达119个，啱晒有多部靓车嘅余文乐。曾经一年有5部戏揸手嘅余文乐，自婚后工作量大减，2018年拍完《怪物先生》后，到今年初先再接拍《中国兵王绝密任务》。虽然电影方面收入大减，但内地综艺加上潮牌生意为佢带来不少进帐，难怪有传佢近日喺台湾最大嘅乐趣除咗系凑仔之外，就系睇楼。