降魔的2.0│林凯恩演技突破做附魔孕妇　被力推做佘诗曼接班人

由马国明、黄智雯、胡鸿钧及刘佩玥等主演的热播剧《降魔的2.0》播出以来好评如潮，作为神剧《降魔的》的续集，绝对没有令剧迷失望！当中，林凯恩饰演的张佩玲亦由纯情少女，彻底魔化成为附魔孕妇，演技再次大跃进！

林凯恩在处境剧《爱．回家之开心速递》饰演“Bonnie”和《她她她的少女时代》中饰演“张晴”，都凭清纯外表和甜美形象俘虏不少宅男的心！对于自己摆脱乖乖女角色，挑战暗黑奸角，林凯恩接受《香港01》时都透露自己下了不少苦功：“其实都系，虽然今次嘅角色都系继承上一辑，但好明显同之前好唔同，系多咗好多怨恨系里面。所以，我都睇咗好多唔同嘅电影感受一下，而且大肚婆都系第一次做，出到嚟嘅效果都好似OK。同埋，今次系拍完《她她她的少女时代》之后做，某程度上系学到唔同嘅返嚟，再运用喺呢个角色上面，感觉上畀大家见到有啲唔同。”

被问到角色最大难度，林凯恩就指是对手戏：“今次对手除咗有子恒（黄子恒）之外，最多就系同比利（易宇航饰），难度位就系沟通方面，但所有编剧同导演都帮手。”而在剧中，林凯恩会与大话魔比利进利交易，以换取黄子恒的灵魂寄存在肖像油画中。之后，林凯恩会诞下其魔种，借此向马国明报复！

点撃下图重温亲热戏！

继《她她她的少女时代》后，林凯恩在剧中亦挑战不少亲热戏：“投入咗系角色里面就冇咁紧张，所有嘢都系自然咁去做，希望做到最好嘅效果！（啲网民话对金城安（周嘉洛饰）好唔公平。）始终Bonnie系大学生比较单纯，之前都有过亲热镜头，唔需要好刻意去营造，大家都感觉就OK喇，系谭道德（陈荣峻饰）训练之下，呢啲发乎情，止乎礼！”

点撃下图重温《她她她的少女时代》精彩演出！

对于不少网民都指林凯恩与视后佘诗曼撞样，她亦笑指：“有时都会觉得自己似，有时佢Post啲相都以为你自己嚟，有啲角落系几似。我都好希望有佢嘅成就，都会参考吓佢嘅作品，希望可以再进步同以佢为目标。”

点撃下图睇两位有几似！