【专访】谭俊彦减价签TVB 靠绿叶戴耀明教做戏：唔会觉得有包袱
谭俊彦（Shaun）2016年加入TVB，之前他在内地发展，回流香港主要想陪伴家人多点。不过Shaun一到TVB便演出男主角，不禁令人怀疑TVB是以高薪签他回来，他澄清：“其实好意外一嚟就接《天命》呢部剧，签约时候冇任何条件，人工非常之低，系真㗎。当时觉得冇所谓，喺TVB我可以做其他生意，或者返国内继续拍剧，冇谂咁多。”当时候Shuan并不了解TVB的运作，在上段提到以为做TVB演员是一件很自由的事，“最后TVB同我讲签亲生仔，签亲生仔我就唔可以喺国内拍剧。我觉得呢样系一种对比，我牺牲某部份事去换我依家拥有嘅嘢。”
人不作出牺牲，就不会得到任何回报。现在Shaun牺牲的是在国内赚钱。毫无疑问Shaun在国内赚的钱比TVB多，他曾透露年轻时在国内工作几个月就可以足够一年的洗费，但是自从成家立室后，Shaun最希望多点陪伴家人，“我都有同佢哋讲我需要维持我嘅生计先得，不过头两年系挨得比较辛苦，当时需要好悭。依家叫做供到两个小朋友读书，以前我想换车我可以换车，我睇中只表我可以去买表。可能依家生咗两个小朋友好多事都要睇紧啲。”最后Shaun强调自己不是一个大富大贵的人，只是比上不足比下有余。
在娱乐圈寻找知心好友是一件困难的事情，谭俊彦表示演员们往往觉得男一只会与男一或者与男二在同一圈子，甚少与三线四线又或者绿叶演员们打交道。但Shaun坦言与幕后人员聚在一起更容易聊得起来。若说到演员中谁是知心好友，他说：“戴耀明可以话系我喺TVB第一个朋友，而唔系同事，我成日都觉得好多系同事系朋友，有好多真心又有好多你明啦（假意）。戴耀明系一个好真心嘅人，有好多人会话你做男一要同男一玩，我唔会呢啲咁嘅事。当时戴耀明同我一齐拍《天命》，佢做我身边太监，所以就算佢冇对白佢都要系我隔离。咁我返屋企同佢顺路，途中都会倾好多，咁我都讲过我啱啱签TVB乜都唔识，我连TVB食饭都唔知系边食，佢都会好主动带我食饭同介绍监制我识，慢慢变咗友谊。同埋依家有时我啲戏谂唔明我都会同佢倾，曾经同我讲过一句说话我都会谂起，我话呢个角色呢句要点演呢？戴耀明答我‘喂，你同你阿妈讲嘢，同埋同我讲嘢都唔同啦。你每一个情况都唔同，唔好谂咁多。’佢反而俾呢啲意见我，佢一路教紧我。”
Shaun曾经形容在TVB工作就像处身一个淘汰赛，如果脚步放慢，不增值自己，下一个被淘汰的就是自己。“我记得之前演一场戏我觉得几难，我会走全厂问人。我试过揾黄智贤问点演，我会周围问人。我唔会觉得有包袱，我希望集中大家意见，唔啱我咪唔用啰。”
点击睇更多谭俊彦专访内容照片！