李璨琛太太IG贴囡囡Lucy裸奔照 网民抨击离谱：啱晒恋童变态收藏
撰文： 洪晓璇
出版：更新：
好多星二代都有IG，凭住可爱样貌天真举动，人气绝不亚于艺人﹗李璨琛囡囡Lucy李元元出世后就拥有个人IG，由妈妈梁志莹（Pae）管理，不时上载Lucy生活照，已经有接近15万追踪。呢日Pae贴出Lucy冇着衫通屋走嘅相，虽然好可爱但就被网友抨击无好好保护囡囡：“呢啲相啱晒恋童变态收藏！”
Pae贴出几张Lucy冇着衫喺屋企奔跑嘅相留言话：“自由奔放嘅灵魂 #野鸡大暴走GO #紧抱夏日”，佢又回复网友留言问Lucy在一个咩情况下跑出来：“你问得几好，系冲凉前，成日吼阿妈帮佢除晒啲衫就光脱脱成只火鸡咁弹下弹下弹出嚟，露体狂咁叫极都唔死返入厕所！”
+1
有小朋友嘅网友好多表示有共鸣，纷纷分享自己小朋友都系一样，但连登就有人开Post指责Pae，“我唔明点解佢可以影Lucy冇穿衫既相，做人老母系咪应该识得分串（寸）呢？为左赚钱连全身照都要影，你系咪咁等钱洗（使）呀﹗”其实Pae有将Lucy重要部位打格，但依旧引起网民公愤：“呢啲相啱哂（晒）恋（娈）童变态收藏”“影都算第时拎出黎睇都几Q（Cute），Post出黎真系吓死人，真系以为香港地冇变态？”“完全当个女儿系吸like既工具，无考虑个女既感受”“已经可以入去举报发布儿童色情照片”。
点击下图睇网友留言：
+1