【开心速递】周嘉洛自爆同林凯恩暂时冇可能：拍剧以外好少沟通

周嘉洛今日（5/5）现身将军澳出席《爱·回家之开心速递》之“报答好妈妈”宣传活动。提到朱智贤与已婚港男黎振烨合作剧集《食脑丧B》后挞著，恋情爆光后，女方坦承因“抽离唔到角色”而犯错。而周嘉洛在《爱》剧中与林凯恩饰演情侣多时，双方又会否“抽离唔到角色”而日久生情呢？

嘉洛斩钉截铁话：“暂时就未有呢个情况，亦都相信唔会有呢个情况，其实我同林凯恩都分得好开，除咗拍剧之外，其实我哋都好少沟通其实到宜家都嫌自己演戏感情戏方面都唔够投入，碍于自己感情经验少，自己都喺度掌握紧，但我对自己处事手法绝对分的好开，唔会话抽离唔到角色嘅。”