朱智贤密会黎振烨时食咩蛋糕？　其中一款要四日前预订

朱智贤被爆与人夫黎振烨去到屯门荒山野岭，在车厢幽会兼一齐食蛋糕。朱智贤生日系6月，而黎振烨生日就系3月头，到底为咩事庆祝，同埋点解要一人一cake呢？相信只有两位当事人先知，之不过，到底呢两个cake有咩咁吸引，搞到一男一女要特地去到荒山野岭进食呢？

有网民揾出黎振烨由后座返回驾驶座时，紧张拎住嘅蛋糕，系出自龙岛Lucullus嘅浓郁黑朱古力蛋糕,以杏仁海棉蛋糕，加上榛子朱古力脆目，面层系72%浓郁幼滑黑朱古力mousse，唔怪之黎振烨死都唔肯放手啦。另外，如果喺网上订购时，顾客除可免费获Happy Birthday”朱古力牌外，并可选择自订句子。最后，网站亦显示订蛋糕的话，最少要4个工作天，即系话，以同事相称嘅黎振烨同朱智贤，对于呢个食蛋糕之行，早有准备。

至于另一款cake，就系出自东海堂“莓．花语”cake little系列，心形蛋糕上放有士多啤梨和粉红玫瑰，用嚟打卡呃like一流。