【后生仔倾吓偈】冯盈盈流落荒岛都要带粉盒：怕素颜无人救

《后生仔倾吓偈》嘅话题真系多元化到不得了，最新一集以“流落荒岛点算好”为题，众人讨论到会带边三样随身三宝、同带咩人一齐流落荒岛时，冯盈盈就话一定拣方力申，事关见佢之前环岛泳游得咁厉害，有咩事都可以靠对方游离荒岛。

至于随身三宝，冯盈盈就话一定要有粉盒同润唇膏，前者系因为有镜可以做阳光折射，但重点都系可以补妆，因为佢怕万一有船经过时，啲男人见到佢素颜而唔救，话晒都系港姐冠军，俾啲信心自己好。至于润唇膏，盈盈就话要保持润湿，同埋听闻可以搽伤口。
 

至于最后一宝，盈盈就拎出一块卫生巾，无错！只系得一块，6号见到都忍唔住话:“你得一块，真系要谂定边个月用。”但估唔到盈盈竟然话:“用完可以重用，烘干佢。”呢个原理系未同蒸口罩一样？之后盈盈补充表示：“如果𠝹到流血的话，卫生巾可以用作敷料，我学急救时都话系咁，无纱布时用。”真系好有见地㖞 !