【陀枪师姐2020】外景拍摄不受限聚令影响？　宣萱：剧本有改

喺政府宣布禁止多于4人在公众地方聚集后，无线曾表示剧集外景未受影响，并指获有关规例豁免。宣萱同陈豪昨晚在土瓜湾拍摄《陀枪师姐2020》外景，饰演特警嘅陈豪与宣萱赶到冰室，并开鎗阻止持刀坏人追斩罗仲谦。试戏时，陈豪看似未回魂，开鎗后呆企门口，要宣萱在旁提佢“行得啦”。

由于新冠肺炎疫情严峻，剧组防疫功夫做到足，唯独女主角宣萱，全程只系见佢颈上挂有随身空气净化机，而未有戴上口罩，咁大胆？“之前试过一cut机就戴口罩，唔系个妆花就系有个印，其实自己都惊，亦都烦咗剧组好多次，多人场口佢地都尽量唔使我出现，不过呢个系暂时。拍室内还好，但拍街景见到香港人好似松懈咗，当然我明白而家疫情系向好方面行紧， 但唔可以松懈。同埋限聚令之后，剧情都有改一改，咁反而仲好咗。”宣萱表示昨晚拍摄时未有路人围观，所以才敢无罩示人，但平日拍摄时，遇上多人又或者在电视城坐电梯时，都会乖乖使用口罩。

宣萱透露在剧中与陈豪的对方戏最多，并笑言：“佢仲惊过我啦，阿谦（罗仲谦）又系，睇到佢哋好小心，我就可以好安心，不过佢哋叫到我就好唔安心。”一如宣萱所说，陈豪到场后，唔到正式拍摄前一秒，都唔敢脱下口罩。