张继聪影谢安琪劲专业　江若琳乘机投诉老公：影亲我都又肥又短

如果男士们想揾个肯陪自己食快餐嘅女友，咁女士们应该最渴望揾个识影响男友。网上不时有女网友投诉，因为另一半影相永远松郁蒙，无角度无构图，去旅行唯有张张自拍唔见景。谢安琪事业爱情两得意，一对仔女又听话又可爱，老公张继聪更加才华满溢，唔止系唱得演得，影相仲好出色﹗

最近张家上下都留喺屋企避疫情，张继聪呢日就分享两张大作，揾嚟老婆阿KAY做MODLE：“今日，有个好出名嘅女歌手联络我，话好欣赏我影嘅相，想大家合作吓，我觉得可以。大佬呀，人地同过几多最Top 嘅摄影师合作呀，都揾我影㖞﹗唔通真系贪大家住得近呀？”

相片中无论光线定构图都相当专业，引来大批圈中好友留言，萧唯展怨阿聪：“今次我俾你累死啦聪儿”，老婆江若琳随即现身：“算吧啦佢影亲我都又肥又短”亦有网友问阿聪到底有咩技巧可以传授，阿聪就回应话：“sounds like 瞬间看地球，品味嘅嘢好个人，最紧要大家冧猪。”