张松枝沦“茄喱啡”感心灰　大爆当年离开无线原因：真系好大打击

在ViuTV穿越剧集《二月廿九》中饰演“辰叔”的张松枝，凭着精湛演技备受网民赞赏，但入行多年的他其实都有不少辛酸经历，日前他接受节目《1圈圈 星光背后》访问时，就谈及自己离开TVB的原因，更感激太太多年来对他的无限支持。

张松枝在16岁入行做Model，在朋友介绍下拍了差不多1000个卡拉OK的MV，直到1994年加入TVB入读艺员训练班，正式展开演员之路。加入TVB后他由低做起，历年来演过不少角色，在剧集《茶是故乡浓》中饰演二世祖荣耀祖更令他成为“御用二世祖”，虽然角色形象负面，但他都不抗拒，不过角色都是千篇一律，直至2012年他毅然决定离巢：“本来喺08年结婚已经唔想续约，不过每次倾约都话会畀啲机会你，签咗呢份约跟住就会好，我一定会帮你争取，畀啲好角色你去做，所以我咪挣扎咗两次签约嘅时间。到咗2012年真系心灰意冷，因为佢畀我𠮶份约，真系好大打击，系会令到你生活唔到，最后觉得既然大家都咁辛苦，不如就咁算喇！”

点击回顾张松枝经典角色：

张松枝表示自己做到二线就心足，但之后的角色戏份越来越少，甚至曾有一位PA（助理编导）找他演一个只有一句对白的路人角色，令他大感失望：“其实之前已经敷衍咗佢，咁你既然一定要揾我，我咪决绝啲啰，我系拒绝你，亦对公司冇任何期望。”幸好太太都支持他离开TVB的决定：“太太都睇到我嘅角色系越嚟越少，亦唔会咁重戏份，所以觉得既然系可以走，点解唔走呢？走系一件好事，所以我觉得我老婆决定系啱。”张松枝的太太原本是林峰的化妆师，自己有开办化妆学校，收入比张松枝稳定得多，张松枝亦好感激太太对家庭的付出：“佢付出真系太多，有阵时我都觉得自己害咗佢，如果佢唔系嫁畀我，可能佢嘅人生会更加好，事业会更加好。作为男人，我欠咗佢好多，希望将来可以补偿吧﹗”