吴启华每月豪畀20万生活费　12岁囡囡熙儿做网红拍微电影

吴启华囡囡吴熙儿（猪猪），喺佢同内地前妻石洋子离婚后，交由婆婆照顾，有指吴启华每月豪俾20万人民币生活费。猪猪样貌标致，刚刚12岁已经展现过人贪靓本色，网友发现猪猪不时自拍，人仔细细已经钟意化妆，仲开咗成3个微博，其中一个有二千几粉丝﹗

有女初长成，吴熙儿（猪猪）似足妈妈石洋子，五官标致而且同妈妈一样贪靓，见到佢不时自拍唔系修图就化晒妆，骤眼睇完全唔似11岁妹妹。佢嘅妆容韩味甚浓，去年更曾上载一段疑似拍戏片段，据佢回复网友留言系拍紧微电影，似乎猪猪真系决心入行。

吴启华回复传媒查询时，对囡囡生活费多少不愿多提，但被问到猪猪好有表演欲，会唔会俾佢入娱乐圈，启华就话囡囡个有自己谂法，如果真系想做演员，知名度方面都有优势，但暂时都希望囡囡学业为重。