【十八年后的终极告白】谭俊彦每日喊住开工：当时有少少抑郁症

谭俊彦（Shaun）今日（9/4）现身将军澳出席无线新剧《十八年后的终极告白》宣传造势活动。提起剧集就快面世，阿Shaun坦言有情绪病：“其实我拍呢套剧嘅时候都有少少抑郁症，因为我记得拍一个礼拜戏，每日都要喊住咁去拍，做演员唔系你话抽离个角色咁容易，其实呢种剧种，对演员嚟讲都真系几辛苦。”

16年加入无线后一剧接一剧，变成多产艺人，继《法证先锋IV》大结局之后，视迷又可以在4月20日晚首播剧集《十八年》再次见到阿Shaun神勇演出。被问到会否剧接剧播出，会否令观众生厌？阿Shaun直言：“其实如果睇返以前我拍过嘅《天命》及《特技人》，虽然都系谭俊彦，但攞张剧照睇，完全系两个人嚟㗎，大家睇完《法证》，到而家睇我呢个样，都系两个人嚟㗎，我入行咁多年，希望我唔系谭俊彦，要对得起个角色，我会喺每一个角色入面创造一个人物出嚟。”