【机场特警】何依婷对自己被杨明摸睇得开：希望唔洗再坐大髀
撰文： 黄梓恒
出版：更新：
《机场特警》正在热播，剧组新人何依婷于第四集正式亮相，以背心短裤上阵饰演网红“李至安”，首次演戏就被对手杨明周围“摸”。有不少网民大赞何依婷够淡定，有人就只抵她不值，那么快便要被“摸”，有人亦指这是益了杨明。
点击睇咁多精彩画面：
+15
至于何依婷自己点谂？她于IG上post出长文：“好想多谢你地既支持，第一套剧出街原来真系会好紧张，好担心大家既反应会唔好，但出左第一场戏之后，已经收到你地好多既回复都反应唔错，仲有满满既鼓励，多谢大家对我既肯定同高擡贵手，令到我唔洗咁紧张同担心，我亦会继续加油架啦。
另外，收到唔少回应话场戏太亲密嬲嬲猪，我都明白，第一次拍剧、第一场戏，呢个画面系有少少刺激，但大家唔洗担心，拍个阵虽然会有d紧张同怕丑，但我有好好保护自己，事先有沟通好 场戏都有排过，所以大家唔好嬲啦，最多大家#齐集气：“希望唔洗再坐大髀”。#唔知work唔work架😂
最后衷心多谢你地愿意花时间话我知你既感受，虽然无办法逐一回应，但你地每个回复我都有用心去睇，亦会理解同参考大家既意见，希望将来可以再拍多d唔同既剧比你地睇。
好啦，长文打完，无记错的话，由第8集开始，安安会不定时出现，记得留意啦。”
篇文真系好长！
即睇更多何依婷靓相：
+20